Ministri i Punëve të Jashtme, Bujar Osmani e ka konfirmuar se personi që është qëlluar për vdekje me armë gjatë mbrëmjes së djeshme në “Rrugën C” në Prishtinë është shtetas i Maqedonisë së Veriut.
Ai tha se viktima është nga Shkupi, por nuk bëri të ditur më shumë informacione mbi identitetin e tij, përfshirë përkatësinë e tij kombëtare.
“Institucionet tona kanë komunikuar me autoritetet e Kosovës dhe kanë konfirmuar informacionin e publikuar në opinion për shtetasin tonë të qëlluar në Kosovë, por sigurisht që institucionet tjera do të japin më shumë hollësi.
Ne si MPJ bëmë kontaktin e parë dhe e konfirmuam lajmin”, është përgjigjur shkurt Osmani.
