Një aksion simbolik është organizuar nga Parlamenti Studentor para objektit të Rektoratit të Universitetit të Prishtinës, ku u kërkua që të plotësohen kërkesat e tyre lidhur me aktivizimin e Fakultetit të Bujqësisë si dhe me renovimin e bibliotekave të njësive akademike.
Këto kërkesa studentët i kanë parashtruar tashmë gati një vit tek Këshilli drejtues dhe tek menaxhmenti i rektoratit.
Kryetari i parlamentit studentor, Çlirim Hoti tha se askush nuk është marr me kërkesat për plotësimin e kushteve elementare për studim, raporton kp.
Ai tha se ka humbur fokusi dhe interesimi për plotësimin e kërkesave të studentëve nga organet drejtuese.
Hoti tha se dyshojnë edhe për manipulime në konkurset e fundit në Fakultetin Juridikut.
Po ashtu, kryetari i Parlamentit të Studentëve theksoi se nëse vazhdojnë të mos plotësohen kushtet për studim me liberalizimin e vizave shumë studentë do të lëshojnë vendin.\telegrafi\
