Kryetari i komunës së Pejës, Gazmend Muhaxheri është sulmuar nga dy persona mëngjesin e sotëm në rrugën “Bill Klinton”, raporton Gazeta Sinjali.
Lajmi për Sinjalin është konfirmuar nga zëdhënësi i Policisë për rajonin e Pejës, Driton Rugova.
Rugova tha se rasti ka ndodhur rreth orës 08:50, teksa Muhaxheri ka pësuar lëndime trupore.
Lidhur me rastin, Rugova shtoi se dy personat e dyshuar tashmë janë arrestuar dhe me urdhër të Prokurorit ata janë dërguar në mbajtje.
