25/06/2024

Temperatura e ajrit në botë ka arritur nivelin rekord në fillim të qershorit

të fundit...

- Advertisement -spot_img

Në 11 ditët e para të qershorit në mbarë botën, temperatura ka thyer rekord për këtë periudhë të vitit, transmeton Anadolu.

Sipas të dhënave të Shërbimit të Ndryshimeve Klimatike “Copernicus” të Bashkimit Evropian (BE), pas formimit të dukurisë së motit El Nino dhe temperaturës rekord të sipërfaqes së detit muajin e kaluar, temperatura e ajrit në tokë arriti mesataren më të lartë të matur për këtë periudhë të vitit në 11 ditët e para të qershorit.

Temperatura globale e ajrit për herë të parë në qershor tejkaloi mesataren para-industriale me 1.5 gradë Celsius. Me Marrëveshjen e Parisit synohej të kufizohej rritja e temperaturës globale në 1.5 gradë Celsius për periudha 20 dhe 30-vjeçare.

“Ndërsa dukuria e motit El Nino vazhdon të zhvillohet, ka arsye të pritet që mesatarja globale e temperaturës së ajrit të rritet më shumë se 1.5 gradë Celsius gjatë periudhës para-industriale gjatë 12 muajve të ardhshëm”, tha shërbimi Copernicus në një deklaratë.

Rritja mesatare e temperaturës së ajrit kishte kaluar më parë pragun prej 1.5 gradë Celsius. Megjithatë, kjo rritje është shënuar për herë të parë në muajin qershor. Pragu 1.5 gradë Celsius u kalua për herë të parë në dhjetor 2015, më pas në muajt e dimrit dhe pranverës 2016 dhe 2020.

Në raportin e saj në maj, Organizata Botërore Meteorologjike njoftoi se ekziston një probabilitet 66 për qind që temperatura mesatare globale e ajrit për periudhën 2023-2027 të mbetet 1.5 gradë Celsius mbi mesataren para-industriale për të paktën një vit.

- Advertisement -spot_img

Me te lexuarat...

- Advertisement -spot_img

Lajmet tjera...