Kryetari i Bashkësisë Islame të Kosovës, myftiu Naim Tërnava dhe homologu i tij turk, Ali Erbash, sot kanë inspektuar punimet në ndërtimin e Xhamisë Qendrore në Prishtinë, shkruan Zeri.info.
Në njoftim thuhet se myftiu Tërnava, njoftoi Erbashin me ecurine e punës dhe se tha se gjithçka po shkon sipas planit.
“Kryetari i Dijanetit, prof. dr. Ali Erbash, tha se ndjehet i lumtur që ky projekt do të realizohet në bashkëpunim me Kryesinë e BIK-ut dhe se me emrin e Zotit punët do të ecin mirë dhe mbarë sipas planit të paraparë”, thuhet në njoftimin e BIK-ut.
Bëhet e ditur se Erbashi do të qëndrojë në Kosovë për tri ditë. / Zëri
