21/06/2024

Vazhdon në ditën e dytë seanca në rastin për gjenocid kundër Izraelit në GJND

të fundit...

- Advertisement -spot_img

Izraeli sot do të paraqesë mbrojtjen e tij në Gjykatën Ndërkombëtare të Drejtësisë (GJND) në Hagë në ditën e dytë të seancës në çështjen për gjenocid të ngritur nga Afrika e Jugut, raporton Anadolu.

Në ditën e parë të gjyqit, Afrika e Jugut paraqiti prova të forta në çështjen që ngriti më 29 dhjetor, duke akuzuar Izraelin për gjenocid dhe shkelje të Konventës së OKB-së për Gjenocidin me veprimet e tij në Rripin e Gazës që nga 7 tetori.

Pala afrikano-jugore po kërkon urdhër nga gjykata e lartë e OKB-së për të ndalur sulmin ushtarak të Izraelit në Gaza, i cili ka vazhduar për më shumë se tre muaj, me numrin e të vdekurve që është rritur në mbi 23 mijë.

Dokumenti prej 84 faqesh nga Afrika e Jugut akuzon Izraelin për akte dhe shpërfillje “në karakter gjenocidal, pasi ato janë kryer me qëllimin specifik … për të shkatërruar palestinezët në Gaza si pjesë e grupit më të gjerë kombëtar, racor dhe etnik palestinez”.

Ai thekson se aktet gjenocidale të Izraelit përfshijnë vrasjen e palestinezëve, duke u shkaktuar atyre dëmtime të rënda trupore dhe mendore, dëbim masiv nga shtëpitë dhe zhvendosje, vendosjen e masave që synojnë të parandalojnë lindjet e palestinezëve dhe privimin nga aksesi në ushqim, ujë, strehim, kanalizime dhe ndihmë mjekësore të nevojshme.

Mbrojtja e Izraelit në këtë rast do të jetë përpjekja e tij publike e profilit më të lartë deri më tani për të justifikuar sulmet e tij dhe bllokadën drakoniane në Rripin e Gazës, të cilat kanë shkaktuar zemërim të gjerë ndërkombëtar.\mesazhi.com\

- Advertisement -spot_img

Me te lexuarat...

- Advertisement -spot_img

Lajmet tjera...