17/07/2024

Viktimat e dhunës seksuale gjatë luftës, Osmani: T’i nxjerrim autorët para drejtësisë

të fundit...

- Advertisement -spot_img

Presidentja e Kosovës, Vjosa Osmani, në Ditën ndërkombëtare për eliminimin e dhunës seksuale në konflikt, ka thënë se angazhimi i Kosovës mbetet i palëkundur që të dalin para drejtësisë personat që kryen dhunime seksuale gjatë luftës së fundit në Kosovë.

Në platformën ‘X’, ajo ka shpërndarë një video të sajën teksa ishte duke folur në OKB.

“Në këtë Ditë Ndërkombëtare për Eliminimin e Dhunës Seksuale në Konflikt, ne vazhdojmë të nderojmë guximin dhe qëndrueshmërinë e atyre që kanë duruar tmerre të papërshkrueshme nën regjimin gjenocidal të Millosheviqit”.

“Këto gra dhe burra të guximshëm na kujtojnë detyrën tonë të përbashkët për t’i dhënë fund përdorimit të dhunës seksuale si një armë lufte. Sot, ne shohim të mbijetuar në Kosovë që e transformojnë dhimbjen e tyre në veprim të fuqishëm, duke frymëzuar të tjerë të panumërt në kërkimin e drejtësisë. Angazhimi ynë është i palëkundur: duhet t’i nxjerrim autorët para drejtësisë dhe të sigurojmë që mizori të tilla të mos përsëriten kurrë!”, ka thënë Osmani.

- Advertisement -spot_img

Me te lexuarat...

- Advertisement -spot_img

Lajmet tjera...