Zoti im, gjynahet më shkatërruan.
Zoti im, mëkatet më fundosën.
Zoti im, më vjen turp nga vetvetja.
Zoti im, nuk jam i kënaqur nga veprat e mia.
Zoti im, unë jam në gabim dhe atë e di.
Zoti im, nuk e kam për qëllim mendjemadhësinë dhe Ti këtë e di.
Zoti im, ato janë sprovat e dynjasë, janë të rënda, më jep fuqi t’i përballoj.
Zoti im, më nxirr nga errësira në të cilën gjendem.
Zoti im, mundësoma ta shoh dritën e fesë sime në dynjanë time.
Zoti im, jepi shpirtit tim fuqi dhe vendosmëri.
Zoti im, më ndihmo mbi vetveten.
Zoti im, merrma shpirtin duke qenë Ti i kënaqur me mua.
Nga arabishtja: Irfan JAHIU
