Kryeministri i Republikës së Kosovës, Albin Kurti, në përurimin e Klinikës së Kardiokirurgjisë i ka shmangur përsëri pyetjet e gazetarëve jashtë temës.
“Jemi këtu në inagurimin e klinikës, asnjë prej këtyre probleme nuk m’u duken probleme në lidhje më këtë klinikë. Se pari un kam fatin që nuk kam probleme me zemrën, e atëherë kur kam problem me zemrën e di ku të vij”, ka thënë Kurti.
I pyetur në lidhje më çështjen e Faton Hajrizit, Kurti refuzoj të përgjigjej, duke shtuar se nuk ka nevojë ta bëj punën e ministrive.
“Dy ministritë tona, Ministria e Brendshme dhe ajo e Drejtësisë e trajtojnë këtë çështje, nuk kam nevojë ta bëj edhe punën e ministrisë, kam më shumë punë”, tha shkurt Kurti.
Ndërsa, për vendimin e BE-së, në lidhje me pasaportat ilegale të qytetarëve serbë, Kurti e ka cilësuar si të pa drejtë.
“E konsiderojmë dekurajuese, sidoqoftë, shteti Kosovës, Republika e Kosovës e ka forcuar pasaportën e saj si asnjëherë më parë, ndërkaq, ne nuk kemi mundësi të mëdha që të ndikojmë te vendimet e Brukselit”, theksojë Kurti./IndeksOnline/
