19/04/2024

Ekstradohet nga Franca drejtë Shqipërisë i shumëkërkuari Behaj Bajri

të fundit...

- Advertisement -spot_img

Sot ka mbërritur Behaj Bajri në aeroportin e Rinasit në Tiranë pasi u ekstradua nga Franca.

Nga pamjet duket se forca të shumta të RENEA-s kanë “blinduar” zonën për arsye sigurie.

43 vjeçari i kërkuar ndërkombtarisht nga SPAK për operacionin “Metamorfoza” duhet të sillej nga Franca në Shqipëri mbrëmjen e të mërkurës, por vetëm mengjësin e sotëm ai ka shkelur tokën shqiptare.

Shkak u bënë arsyet e sigurisë për të mos fluturuar me një avion komercial me pasagjerë civilë.

Ai u soll nga Parisi mëngjesin e kësaj të enjteje me fluturim me charter.

Bajri u ndalua në Francë më 4 shtator, vend i cili pranoi ekstradimin e të shumëkërkuarit drejt Shqipërisë.

Ai akuzohet për “Vrasje me paramendim”, “Sigurim të kushteve dhe mjeteve për vrasje” në 3 episode, “Korrupsion aktiv ndaj gjyqtarit, prokurorit dhe i funksionarëve të tjerë të drejtësisë”, si dhe “Armëmbajtje pa leje”, vepra këto të kryera në kuadër të grupit të strukturuar kriminal.

Lidhur me ngjarjen ka reaguar edhe Interpol Tirana, që ka dhënë më shumë detaje mbi ekstradimin e tij.

Njoftimi i Interpol:

Interpol Tirana-Ekstradohet nga Franca drejt Shqipërisë, një i shumëkërkuar për veprat e një krimi të rëndë.

43-vjeçari i ekstraduar, i shpallur në kërkim ndërkombëtar në kuadër të operacionit policor të koduar “Metamorfoza”.

Si rezultat i suksesit në mes të Interpol Tiranës dhe Interpol Parisit, për kapjen e shtetasve në kërkim ndërkombëtar dhe ekstradimin e tyre në vend që ata duhet të kryejnë fajin, u ekstradua në Shqipëri, shtetasi shqiptar: BB 43 vjeç., banues në Shkodër.

Ky shtetas u kap dhe u arrestua në Francë, në muajin shtator, falë shkëmbimit të policisë shqiptare dhe asaj franceze, të informacioneve të sigurta nga inteligjenca policore, për përmirësimin e tij.

Shtetasi i ekstraduar iu dorëzua Drejtorisë së Përgjithshme të Burgjeve. /Telegrafi/

 

- Advertisement -spot_img

Me te lexuarat...

- Advertisement -spot_img

Lajmet tjera...