Ambasada e Kinës në Seul i ka cilësuar si “një ndërhyrje e ashpër ndaj punëve të brendshme të Kinës” vlerësimet e SHBA-së, Koresë së Jugut dhe Japonisë lidhur me Tajvanin.
Në lajmin e nje agjensie rikujtohet deklarata e përbashkët për shtyp që publikuan pas takimit të zv/ministrave të jashtëm të Koresë së Jugut, SHBA-së dhe Japonisë të cilët u takuan më 31 maj në SHBA.
“Kundërshtojmë fuqishëm çdo përpjekje të njëanshme për të ndryshuar status quo-në në Indo-Paqësor. Nuk ka ndonjë ndyshim në qëndrimin tonë për çështjen e Tajvanit. Dëshirojmë zgjidhjen në mënyrë paqësore të problemeve mes Kinës dhe Tajvanit”, thuhet në lajm lidhur me reagimin e Kinës.
Zëdhënësi i ambasadës së Kinës në Seul bëri një deklaratë nga llogaria e tij WeChat lidhur me deklaratën e përbashkët të zëvendësministrave të jashtëm të Koresë së Jugut, SHBA-së dhe Japonisë.
“Këto aktivitete janë ndërhyrje e ashpër ndaj punëve të brendshme të Kinës dhe sulm ndaj Kinës duke njollosur me qëllim të keq. Kina shpreh pakënaqësi serioze nga kjo situatë”, thuhet në deklaratën e zëdhënësit.
Koreja e Jugut bashkëpunon vazhdimisht me SHBA-në dhe Japoninë dhe kjo dëmton zhvillimin e marrëdhënieve dypalëshe mes Kinës dhe Koresë së Jugut, njoftohet në deklaratën ku Koreja e Jugut ftohet të jetë e kujdesshme në fjalët dhe veprimet e saj ndaj për çështjen e Tajvnit dhe Detit Jogor të Kinës.
